Արմինֆո. 2026-ի առաջին՝ հունվար ամսվա «Մի դրամի ուժի» կուտակած գումարը՝ 5․267․346 դրամ, ուղղվեց «Ուսումնական առաքելություն» բարեգործական կազմակերպությանը, պատերազմի մասնակիցների, նրանց ընտանիքի անդամների, սահմանամերձ բնակավայրերի բնակիչների և տեղահանված արցախցիների համար տարբեր մասնագիտական դասընթացների ապահովմանը։
«Մի դրամի ուժի» փետրվար ամսվա շահառու է ընտրվել Մաթեմիկ հասարակական կազմակերպությունը, որը զբաղվում է երեխաների և երիտասարդների մաթեմատիկական մտածողության զարգացմամբ՝ կրթությունը դարձնելով ավելի հասկանալի, հետաքրքիր և կիրառելի։ Կազմակերպության հիմնական առաքելությունն է հզորացնել հայ երեխաներին՝ մաթեմատիկական դպրոցների և կամավոր ուսուցիչների աջակցությամբ, ինչպես նաև զարգացնել տրամաբանական, վերլուծական և խնդիր լուծելու հմտություններ, որոնք կարևոր են ինչպես կրթության, այնպես էլ հետագա մասնագիտական ճանապարհի ընթացքում։
Մաթեմիկ ՀԿ-ն իրականացնում է կրթական տարբեր ծրագրեր և նախաձեռնություններ՝ ուղղված դպրոցականների և ուսանողների գիտելիքների խորացմանը, ուսուցման որակի բարձրացմանը և ժամանակակից ուսումնական մեթոդների կիրառմանը։ Կազմակերպությունը համագործակցում է մասնագետների և կամավոր ուսուցիչների հետ՝ ստեղծելով աջակցող և ոգևորող միջավայր, որտեղ մաթեմատիկան ներկայացվում է ոչ թե որպես բարդ առարկա, այլ որպես մտածողություն ձևավորող գործիք։
«Մի դրամի ուժի» շրջանակում ստացված աջակցությունը հնարավորություն կտա Մաթեմիկ ՀԿ-ին ընդլայնել իր ծրագրերը, հասանելի դարձնելով դրանք ավելի լայն լսարանի համար և շարունակել իր առաքելությունը՝ նպաստելով կրթության զարգացմանը։
Իդրամի և IDBank-ի հաղորդակցության և սոցիալական պատասխանատվության ծրագրերի վարչության ղեկավար Տաթևիկ Վարդևանյանը նշեց․
«Մի դրամի ուժը» մեզ համար առաջին հերթին մարդկանց միավորելու գաղափար է։ Շատ ուրախ ենք, որ փետրվար ամսվա ընթացքում կուտակված գումարը կուղղվի Մաթեմիկ ՀԿ-ին՝ աջակցելով կրթությանը և գիտելիքի զարգացմանը։ Մենք համոզված ենք, որ մաթեմատիկական մտածողության խթանումը կարևոր ներդրում է երեխաների և երիտասարդների ապագայի համար, իսկ կրթությունը շարունակում է մնալ ամենակայուն ու երկարաժամկետ արժեք ստեղծող ուղղություններից մեկը»։
Մաթեմիկ ՀԿ-ի տնօրեն Տիգրան Առուշանյանը նշում է․ ««Մի դրամի ուժի» շրջանակում ստացված աջակցությունը մեզ հնարավորություն կտա ընդլայնել մեր կրթական ծրագրերը, ներգրավել ավելի շատ շահառուների և շարունակել մեր առաքելությունը՝ մաթեմատիկան դարձնելով հասկանալի, հետաքրքիր և կիրառելի։ Ծրագրի աջակցությամբ Լոռու մարզի Վահագնի գյուղում պատրաստելու ենք մի հարթակ, որտեղ կենդանի շփում է լինելու Հայաստանի ամենապահանջված և մրցունակ մասնագետների ու մի քանի գյուղի բնակիչների միջև, ովքեր բացի իրենց մասնագիտական գիտելիքներից, տեղի երեխաներին փոխանցելու են արժեհամակարգ, որի առկայության դեպքում իրենք կլինեն ավելի ճկուն, մրցունակ և հայրենասեր։ Շնորհակալ ենք Իդրամին և IDBank-ին՝ մեր կազմակերպությունը շահառու ընտրելու և կրթական նախաձեռնություններին շարունակաբար աջակցելու համար»։
Հիշեցնենք, որ «Մի դրամի ուժի» բարի գործերին մասնակից դառնալու համար բոլոր վճարումները պետք է կատարել Idram&IDBank հավելվածով, IDBanking.am և banking.idram.am առցանց հարթակներով, Իդրամի և IDBank-ի տերմինալներով, և յուրաքանչյուր վճարման դիմաց ընկերությունները մեկ դրամ կուղղեն կարևոր ծրագրերին։
Վերլուծաբան․ Հայաստանի խորհրդարանի նոր խոսնակի ելույթի հիմնարար խնդիրը քաղաքական ճգնաժամի պատճառների միակողմանի մեկնաբանությունն է
Փորձագետ. Գագիկ Ծառուկյանը մարմնավորում է խոշոր բիզնեսի և կառավարության միջև հարաբերությունների հետխորհրդային մոդելը, և այս մոդելը կիրառվում է շատ այլ հետխորհրդային երկրներում
Փորձագետ. Ադրբեջանը պետական մակարդակով առաջ է մղում Հայաստանի դեմ ագրեսիվ ծրագրերը
Իրանագետ. Բաքվի՝ իր հզորության մասին քարոզչությունը թաքցնում է երկրի անկարողությունը սեփական բնակչությանը ջրով ապահովելու հարցում
ԱԺ փոխնախագահի պաշտոնի թեկնածուն կարծում է, որ իր տիկնոջ աշխատավարձը "Հայփոստի" տնօրենի պաշտոնում ամենացածրն է տվյալ ընկերության պատմության մեջ
Ռուսաստանի մշտական ներկայացուցիչ. ՀԱՊԿ-ի և Հայաստանի միջև որևէ հակամարտություն չկա
Մոսկվա․ ՆԱՏՕ-ն ձգտում է Հայաստանը "պոկել" ՀԱՊԿ դաշնակիցներից 
Քաղաքագետ․ Ռուսաստանը հանրաքվեի միջոցով մտադիր է իմանալ, թե որ "ճամբարն" է ընտրելու Հայաստանը 
Նարեկ Կարապետյանը կհրաժարվի իր պատգամավորի աշխատավարձից՝ հօգուտ բարեգործական վճարների
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
