Շաբաթ, 21 Փետրվարի 2026 13:09

Արմինֆո.Արցախի նախկին պետնախարար Ռուբեն Վարդանյանն ընտանիքի հետ հեռախոսազրույցի ժամանակ շնորհակալություն է հայտնել բոլոր նրանց, ովքեր անհանգստանում են իր համար և աջակցում են իր ընտանիքին: Իր ուղերձում Ռուբենն ընթերցել է 14-15-րդ դարերի բանաստեղծ Իմադ ադ-Դին Նասիմիի փիլիսոփայական տողերը սեփական մեկնաբանությամբ։ Այդ մասին հաղորդում է Ռուբեն Վարդանյանի աջակցության խումբը։

 

Այնուհետև Ռուբենը ներկայացրել է կյանքի իր բանաձևը՝ սկզբունքներով, որոնք օգնում են իրեն պահպանել ներքին ազատությունը, նույնիսկ, ավելի քան 21 000 ժամ բանտարկությունից հետո: Նա խոսում է առատաձեռն սիրո և հոգատար խնամքի, անկեղծ խոսքի, առանց կասկածի հավատի, անընդհատ ներքին աճի, ներելու ունակության, չդատապարտելու և չվախենալու մահից, իր սեփական ճանապարհի մասին ՝ մնացածը թողնելով Աստծուն:

 

«Ուզում եմ շնորհակալություն հայտնել բոլոր նրանց, ովքեր անհանգստանում են ինձ համար։ Գիտեմ, որ շատերդ զանգել և խոսել եք Վերոնիկայի, իմ ընտանիքի և սիրելիների հետ։ Ուզում եմ խորին երախտագիտություն հայտնել ձեր աջակցության, բարության, մտքերի, հույզերի և զգացմունքների համար։ Ես ամեն ինչ զգում եմ և շատ շնորհակալ եմ, որ աջակցում եք ինձ ու իմ ընտանիքին։

 

Ուզում եմ ձեզ համար կարդալ... Սա նույնիսկ բանաստեղծություն չէ, սա 14-րդ դարի վերջի և 15-րդ դարի սկզբի հանճարեղ փիլիսոփա-բանաստեղծ Իմադ ադ-Դին Նասիմիի փիլիսոփայությունն է։ Հիմա կկարդամ մի հատված նրա բանաստեղծությունից, որը թարգմանել է Կոնստանտին Սիմոնովը։ Վերջում մի փոքր փոփոխություն եմ արել, որովհետև այս փիլիսոփայություն ուժեղ ազդեցություն է գործել ինձ վրա։

 

Եվ հույս ունեմ, որ Նասիմիի պոեզիայի բոլոր սիրահարները ինձ կներեն, որովհետև սա ոչ թե պոեզիա է, այլ փիլիսոփայություն․

В меня вместятся оба мира, но в этот мир я не вмещусь:

Я суть, я не имею места — и в бытие я не вмещусь.

Всё то, что было, есть и будет, — всё воплощается во мне,

Не спрашивай! Иди за мною. Я в объясненья не вмещусь.

Вселенная — мой предвозвестник, моё начало — жизнь твоя. —

Узнай меня по этим знакам, но я и в знаки не вмещусь.

[Предубежденьем] и сомненьем до истин не дошёл никто:

Кто истину [познал], тот знает — в [предубежденья] не вмещусь.

Поглубже загляни в мой образ и постарайся смысл понять, —

Являясь телом и душою, я в душу с телом не вмещусь.

Я жемчуг, в раковин[е] скрытый. Я мост, ведущий в ад и в рай.

<…>

Я самый тайный клад всех кладов, я очевидность всех миров,

Я драгоценностей источник, — в моря и недра не вмещусь.

Хоть я велик и необъятен, но я Адам, я человек,

Я [воплощение] вселенной, — но в [воплощенье] не вмещусь.

Все времена и все века — я. Душа и мир — всё это я!

Но разве никому не странно, что в них я тоже не вмещусь?

<…>

Старик — я в то же время молод, я лук с тугою тетивой.

Я власть, я вечное богатство, — но сам в века я не вмещусь.

[Хотя сегодня Варданян я, я гуманист и армянин,

я меньше, чем моя же слава, но я и в славу не вмещусь.]

 

Ուզում եմ ասել, որ իսկապես զարմանալի է՝ այս բոլոր մտքերը, որոնք դուք կարդում եք տարբեր, բացարձակ տարբեր աղբյուրներում, դրանց աղբյուրը մեկն է՝ իմաստությունը, բայց ձևը՝ տարբեր։

 

Ուզում եմ ձեզ նաև փոխանցել (նվիրելով իմ սիրելի կնոջը, ում տարեդարձն էր վերջերս), կյանքի կարճ ու երկար բանաձևը։ Ոմանց դուր կգա կարճ տարբերակը, մյուսներին՝ գուցե երկարը։

 

Ապրե՛ք պարզ, սիրե՛ք շռայլ, հո՛գ տարեք ի սրտե, խոսե՛ք սրտանց, անընդհատ սովորե՛ք, ճանաչե՛ք ինքներդ ձեզ, հավատացե՛ք առանց կասկածի, մի՛ վախեցեք մահից, ներե՛ք և մի՛ դատեք, ու անվա՛խ քայլեք ձեր ճանապարհով։ Սա կարճ տարբերակն է։ Եվ երկար տարբերակը՝ Ապրե՛ք պարզ, ուրախ և 100% ներկա ակնթարթով։ Սիրե՛ք շռայլ, տվե՛ք ամեն ինչ՝ փոխարենը ոչինչ չխնդրելով։ Հո՛գ տարեք ի սրտե, բայց զգույշ, որպեսզի չվնասեք, քանի որ բռնության միջոցով բարությունն այլևս բարություն չէ։ Խոսե՛ք սրտանց, անկեղծ և կարճ։

Հավատացե՛ք առանց կասկածի կամ վարանման, առանց մոլեռանդության։

Սովորե՛ք՝ ճանաչելով ինքներդ ձեզ և աշխարհը՝ անընդհատ, ջանադրաբար և սիրով։

Ներե՛ք, մի՛ դատեք։ Մի՛ վախեցեք մահից, պատրա՛ստ եղեք դրան և որևէ ձևով մի՛ արագացրեք այն։ Եվ անվա՛խ քայլեք ձեր ճանապարհով՝ մնացած ամեն ինչը թողնելով Աստծուն։ Մնացած ամեն ինչը թողնելով Աստծուն։ Այնպես որ, երկու դեպքում էլ եթե այսպես վարվենք, եթե այս պարզ քայլերն անենք՝ մնացած ամեն ինչը թողնելով Աստծուն, ամեն ինչ լավ կլինի։

Ուզում եմ շնորհակալություն հայտնել։ Կներե՛ք, որ շեղվում էի։ Հեշտ չէ։

 

Ես այստեղ մի հետաքրքիր հոբելյան նշեցի. Այստեղ եմ արդեն 21,000 ժամ և... Հետաքրքիր զգացողություն է։ 75 միլիոն ակնթարթ։ Եվ երբ ապրում ես այս մասշտաբով, հանկարծ հասկանում ես, թե որքան տարբեր է զգացվում ամեն ինչը՝ ամեն պահը», - ասել է Ռուբեն Վարդանյանը։

 

Հիշեցնենք, որ Բաքվի դատարանը Ռուբեն Վարդանյանին դատապարտել էր 20 տարվա ազատազրկման: Փետրվարի 5-ին նույն դատարանը կայացրել է ևս 15 մեղադրյալի նկատմամբ դատավճիռներ, այդ թվում ՝ Արցախի Հանրապետության նախկին ղեկավարների: Հինգ հոգի, այդ թվում ՝ նախկին նախագահ Արայիկ Հարությունյանը, ցմահ ազատազրկման են դատապարտվել: Մեղադրյալները ՝ ինչպես քաղաքացիական, այնպես էլ աինվորական, մեղադրվել են, ընդհանուր առմամբ, 2548 հանցագործություն կատարելու մեջ, այդ թվում ՝ "ցեղասպանություն", "ստրկություն", "բռնի անհետացումներ" և "ահաբեկչության ֆինանսավորում":