Արմինֆո. Նախագահ Արմեն Սարգսյանն այսօր հանդիպել է «Նաիրիտ» գործարանի նախկին տնօրեն Կարեն Իսրաելյանի, նաիրիտցիների համակարգող խմբի անդամների և աշխատակիցների փաստաբան Տիգրան Սարգսյանի հետ: Հանդիպման վերաբերյալ պայմանավորվածություն էր ձեռք բերվել մայիսի 7-ին, երբ երկրի Նախագահը հանդիպել էր իր նստավայրի դիմաց բողոքի ակցիա անցկացնող «Նաիրիտ» գործարանի նախկին աշխատակիցների հետ:

Ինչպես ԱրմԻնֆո-ին հաղորդեցին Հայաստանի նախագահի մամուլի ծառայությունից, հանդիպման ընթացքում նաիրիտցիների փաստաբանը ներկայացրել է գործարանի նախկին աշխատակիցների դժգոհությունը դատական համակարգի աշխատանքից՝ կողմնակալ համարելով «Նաիրիտի» գործին առնչվող դատավորների վերաբերմունքը: Տիգրան Սարգսյանի կարծիքով՝ նաիրիտցիների իրավունքները ոտնահարվում են, դատավորները միտումնավոր ձգձգում են նրանց հայցերի քննությունը: 

Նաիրիտցիների ներկայացուցիչները բարձրացրել են նաև գործարանի վերագործարկման հարցը, դրա վերաբերյալ ներկայացրել իրենց տեսակետները: Նրանք նշել են, որ գործարանի խնդիրները տարիներ շարունակ լուծում չեն ստացել, իսկ նախկին կառավարությունների կողմից այդ ուղղությամբ ձեռնարկված քայլերը, նրանց գնահատմամբ, արդյունավետ չեն եղել: 

Արձագանքելով հանդիպման մասնակիցների բարձրացրած հարցերին՝ նախագահ Արմեն Սարգսյանը նշել է, որ երկրում ձևավորված նոր միջավայրում դատաիրավական համակարգը ևս քայլ առ քայլ պետք է անցնի փոփոխությունների միջով, իսկ ոչ անաչառ դատավորները չպետք է տեղ ունենան համակարգում: Նա տեղեկացրել է, որ Սահմանադրությամբ իրեն վերապահված իրավասությունների շրջանակում այդ հարցերը քննարկել է նաև համակարգի ղեկավարության հետ:

Արմինֆո. ՀՀ նախագահ Արմեն Սարգսյանը մայիսի 7-ին ընդունել է «Նաիրիտ» գործարանի մի խումբ նախկին աշխատակիցների, ովքեր բողոքի ակցիա էին անցկացնում նրա նստավայրի մոտ: Ինչպես նշել են բողոքի ակցիայի մասնակիցները, նախագահի հետ հանդիպման ընթացքում իրենք հերթական անգամ անդրադարձել են գործարանի վերաբացման անհրաժեշտությանը:

Արմինֆո. Հայաստանում ՄԱԿ-ի մշտական համակարգող Բրեդլի Բուզետտոն ընդունել է միջազգային փորձագիտական խմբին, որը Հայաստան է ժամանել գնահատելու քիմիական վտանգի հետ կապված իրավիճակը «Նաիրիտ» գործարանում, որի տարածքում ս.թ. օգոստոսի 28-ին հրդեհ էր բռնկվել։

Արմինֆո. «Հանուն կայուն մարդկային զարգացման» ասոցիացիայի ղեկավար, բնապահպան Կարինե Դանիելյանը կասկածում է «Նաիրիտ» քիմիական գործարանի տարածքում այրվող նյութի անվտանգությանը: «Դժվար է հավատալ, որ այրվող նյութում ոչ մի վտանգավոր նյութ չկա», - ԱրմԻնֆո-ի թղթկցին հայտարարել է բնապահպանը:

Արմինֆո.Օգոստոսի 28-ին՝ ժամը 13:10-ին,  ահազանգ է ստացվել, որ Երևան քաղաքի «Նաիրիտե գործարանի տարածքում պայթյունի ձայն է լսվել և հրդեհ է բռնկվել:

Արմինֆո.«Նաիրիտ» գործարանի նախկին աշխատակիցները դեկտեմբերի 7-ին հավաքվել են ՀՀ Ազգային ժողովի շենքի մոտ՝ հերթական անգամ բողոքի իրենց ձայնը հասցնելու իշխանավորներին:

«Նաիրիտ» գործարանի վերագործարկումն անիմաստ է: Այդ մասին նախօրեին հայտարարել է վարչապետ Հովիկ Աբրահամյանը` Ծաղկաձորում բացված «Բազե 2015» համահայկական երիտասարդական հավաքի շրջանակներում:

Հայաստանի հետագա տնտեսական աճը մեծապես պայմանավորված է ժամանակակից ու կենսունակ գիտելիքահենք տնտեսության զարգացմամբ, ուղղակի օտարերկրյա ներդրումներով և մի շարք այլ գործոններով, որոնց թվում է նաև նախորդ ժամանակաշրջանի տնտեսական գործունեությունից մնացած ժառանգության համարժեք տնօրինումը: Այդ մասին ասվում է Համաշխարհային բանկի Երևանի գրասենյակի հայտարարությունում, որի տեքստը տրամադրվել է ԱրմԻնֆո գործակալությանը:

Հունվարի 27-ին ՀՀ էներգետիկայի և բնական պաշարների նախարար Երվանդ Զախարյանը   հանդիպել է «Նաիրիտ» գործարանի ներկայացուցիչների  հետ՝ նրանց խնդիրները մեկ անգամ ևս քննարկելու նպատակով:  Հանդիպման ընթացքում նախարար Երվանդ Զախարյանը կրկին  տեղեկացրել է, որ աշխատավարձի գծով պարտքի մարման  խնդիրը հնարավոր կլինի լուծել  «Նաիրիտի» գույքի այն մասի օտարման արդյունքում, որը հետագա  գործարկման ընթացքում գործարանին այլևս պետք չի գա։