«Ուժեղ Հայաստան» կուսակցությունն առաջարկում է ժողովրդագրական խնդրի լուծման իր ուղիները

Արմինֆո.  "Ուժեղ Հայաստան" կուսակցությունն առաջարկում է ժողովրդագրական խնդրի լուծման իր ուղիները։ Այդ մասին սոցիալական ցանցերում հաղորդել է կուսակցության ներկայացուցիչ Լիլիա Շուշանյանը։

Նրա խոսքով, 4 երեխա ունեցող յուրաքանչյուր ընտանիքի կստանա 2 մլն դրամ, իսկ հինգերորդ երեխայի ծննդյան դեպքում  ընտանիքն անվճար կապահովվի բնակարանով։ Կուսակցությունը նաեւ մտադիր է լուծել աղքատ ընտանիքների խնդիրները, հատկապես՝ երեխաներ ունեցողներինը։

Շուշանյանը նշել է, որ ժողովրդագրության տեսանկյունից Հայաստանի Հանրապետությունը մահացող պետություն է: Այդ մասին են վկայում ամերիկացի և եվրոպացի փորձագետները։ Վերջին 35 տարիների ընթացքում տարածաշրջանի բնակչությունն աճել է 17,2 մլն մարդով, հիմնականում, Ադրբեջանում բնակչության աճի հաշվին: Առաջիկա 25 տարիներին այդ միտումը կպահպանվի. ինչպես Վրաստանում, այնպես էլ, առավել ևս, Հայաստանում բնակչության թիվը կշարունակի նվազել, իսկ Ադրբեջանում, ընդհակառակը, կավելանա ՝ գերազանցելով 11 միլիոնը: Ինչպես Համաշխարհային բանկի, այնպես էլ ՄԱԿ-ի կանխատեսումների համաձայն, երկրում կմնա 2 մլն մարդ։

«Դրանով իսկ, ժողովրդագրության տեսանկյունից, մենք արդեն պարտված պետություն ենք։ Պատերազմների հետեւանքով երկիրը շուրջ 5 հազար զոհ եւ 12 հազար վիրավոր է ունեցել, ինչը չի կարող չանդրադառնալ ամուսնությունների թվի և ծնելիության նվազման վրա։ Ընդ որում, մահացության ցուցանիշը վերջին 6 տարում գերազանցում է ծնելիության ցուցանիշը։ Այս իրավիճակում անհրաժեշտ են կտրուկ քայլեր՝ ուղղված իրավիճակի շտկմանը", - ասել է "Ուժեղ Հայաստան" կուսակցության ներկայացուցիչը։