ԱԺ պատգամավորը խոստացել է հանրությանը ներկայացնել Գորիս-Կապան ճանապարհն Ադրբեջանին հանձնելու մասին տեղեկատվությունը

Արմինֆո. ՀՀ Ազգային ժողովի ընդդիմադիր «Հայաստան» դաշինք խմբակցության պատգամավոր Գեղամ Մանուկյանը խոստացել է հանրությանը ներկայացնել Գորիս-Կապան ճանապարհն Ադրբեջանին հանձնելու մասին գաղտնի տեղեկատվությունը։

«Քրեական պատասխանատվության սպառնալիքի ներքո վաղը ես կհրապարակեմ Գորիս-Կապան ճանապարհի հանձնումը հաստատող փաստաթուղթը։ Պաշտպանության նախարարությունն այն գաղտնի էր պահում։ Մենք Աննա Գրիգորյանի հետ մի ամբողջ տարի քննություններ անցկացնելով փորձում էինք ստանալ այդ փաստաթղթի պատճենը։ Ի վերջո, մենք այն ստացանք։ Սպասեք մանրամասների։ Վաղը ես կլինեմ Տավուշում»,- գրել է պատգամավորը ֆեյսբուքյան իր էջում։

Նշենք, որ 2021 թվականի նոյեմբերի սկզբին Հայաստանի կառավարությունն առանց որևէ բացատրության Գորիս-Կապան միջպետական ճանապարհի 21 կիլոմետրանոց հատվածը փոխանցեց Ադրբեջանի զինված ուժերի վերահսկողությանը։ Ադրբեջանական կողմն այդ հատվածներում տեղադրեց անցակետեր և փակեց երթևեկությունը, ինչի հետևանքով մի շարք հայկական գյուղեր հայտնվեցին շրջափակման մեջ։

Հունիսի 1-ին Հայաստանի խորհրդարանի խոսնակ Ալեն Սիմոնյանը Հանրային հեռուստաընկերության եթերում ընթացող բանավեճի ժամանակ հայտարարեց, որ Հայաստանի իշխանությունները Գորիս-Կապան ճանապարհը հանձնել են սեփական կամքով, և դա եղել է հայկական իշխանությունների, այլ ոչ թե Ադրբեջանի ցանկությունը։ Այսպիսով, հայ պառլամենտականը խոստովանեց երկրի տարածքները հանուն Ադրբեջանի մսխելու փաստը։