Արմինֆո.Ստեփանակերտին չի կարող չմտահոգել այն հանգամանքը, որ նացիստական և ֆաշիստական գաղափարախոսությամբ պետությունը, որը հայատյաց քաղաքականություն է իրականացնում, զբաղվում է այնպիսի վտանգավոր սպառազինության մշակմամբ, ինչպես հարվածային անօդաչուները:
Այդ մասին ԱրմԻնֆո-ի թղթակցի հետ զրույցում հայտարարել է ԼՂՀ նախագահի մամուլի քարտուղար Դավիթ Բաբայանը՝ անդրադառնալով Ադրբեջանի կողմից անօդաչու թռչող սարքերի նախնական փորձարկումներին, որոնք կարող են ոչնչացնել հակառակորդի կենդանի ուժը և տեխնիկան:
Նրա խոսքով, ոչ ոքի համար գաղտնիք չէ, որ Ադրբեջանը խոշոր միջոցներ է ուղղում սպառազինմանը: «Բայց մենք էլ ձեռքներս ծալած չենք նստում, ձեռնարկում ենք անհրաժեշտ բոլոր միջոցները՝ այդ հարցում Ադրբեջանի նվազագույն առավելությունն անգամ թույլ չտալու նպատակով: Այո, Բաքվի այդ քայլերը վտանգավոր են, բայց դա չի նշանակում, որ մենք այդ սպառնալիքին հակազդելու համար համարժեք միջոցներ չենք ձեռնարկում»,- հայտարարել է Բաբայանը: Միաժամանակ նա համոզմունք է հայտնել, որ միջազգային հանրությունը պետք է ուշադրության կենտրոնում պահի այդ հարցը: Նրա խոսքով, մի շարք երկրներ պետք է հրաժարվեն աջակցել Ադրբեջանին՝ գիտակցելով, որ այդ աջակցությունը հետագայում իրենց դեմ կշրջվի: «Այն, ինչ այսօր անում է Բաքուն, ռազմականացում է: Եվ պետք է քայլեր ձեռնարկել ռազմականացման նվազեցման ուղղությամբ, ինչն իր հերթին թույլ կտա ամրապնդել խաղաղութունն ու անվտանգությունը տարածաշրջանում, ինչը կարևոր նշանակություն ունի՝ աշխարհաքաղաքական տեսակետից: Իսկ շատ երկրները պետք է հրաժարվեն Ադրբեջանին աջակցություն ցուցաբերելուց»,- ասել է Բաբայանը:
Ավելի վաղ լույս էր տեսել Ադրբեջանի պաշտպանական արդյունաբերության նախարար Յավեր Ջամալովի հոդվածը, որում ասվում է, որ Ադրբեջանը ձեռնամուխ է եղել անօդաչու թռչող սարքերի նախնական փորձարկումների, որոնք կարող են ոչնչացնել հակառակորդի կենդանի ուժը և տեխնիկան: Նախարարի խոսքով, արդեն սկսվել է կումուլյատիվ գլխիկներով անօդաչու թռչող սարքերի նախնական թեստավորումը: «Սարքն ի զորու կլինի ինքնուրույն հայտնաբերել և ոչնչացնել թշնամու ինչպես կենդանի ուժը, այնպես էլ՝ տեխնիկան: Բացի այդ, բանակցություններ են տարվում մի շարք երկրների հետ՝ էլեկտրաիմպուլսային զենքի ստեղծման շուրջ»,- ասել է գերատեսչության ղեկավարը:
Հայտնելով իսրայելական ընկերության հետ համատեղ ձեռնարկություն ստեղծելու մասին՝ Յավեր Ջամալովը նշել է, որ Ադրբեջանն արտադրում է տարբեր նշանակության անօդաչու թռչող սարքեր: «Մենք բանակցություններ ենք վարում թուրքական «Ասելսան» ընկերության հետ՝ տարբեր ուղղություններով: Արդեն որոշում է կայացվել «Ալով» գործարանում սերվիսային ծառայություն ստեղծելու վերաբերյալ: 2018 թվականին մտադիր ենք նախագծեր իրականացնել մի շարք թուրքական ընկերությունների, ինչպես նաև այլ երկրների համապատասխան կառույցների հետ»,- ավելացրել է նա: «Բացի այդ, աշխատանքներ են տարվում սարքեր ստեղծելու ուղղությամբ, որոնք կարող են վայր իջեցնել հակառակորդի թռչող սարքերը»,- հայտնել է նախարարը:
Փորձագետ. Գագիկ Ծառուկյանը մարմնավորում է խոշոր բիզնեսի և կառավարության միջև հարաբերությունների հետխորհրդային մոդելը, և այս մոդելը կիրառվում է շատ այլ հետխորհրդային երկրներում
Փորձագետ. Ադրբեջանը պետական մակարդակով առաջ է մղում Հայաստանի դեմ ագրեսիվ ծրագրերը
Իրանագետ. Բաքվի՝ իր հզորության մասին քարոզչությունը թաքցնում է երկրի անկարողությունը սեփական բնակչությանը ջրով ապահովելու հարցում
Քաղաքագետ․ Ռուսաստանը հանրաքվեի միջոցով մտադիր է իմանալ, թե որ "ճամբարն" է ընտրելու Հայաստանը 
Նարեկ Կարապետյանը կհրաժարվի իր պատգամավորի աշխատավարձից՝ հօգուտ բարեգործական վճարների
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
