Արմինֆո.Արդշինբանկի 300 միլիոն դոլար ծավալով եվրոպարտատոմսերի թողարկումը կապիտալի միջազգային շուկայում ճանաչվել է Եվրոպայում լավագույնը իր տեսակի մեջ և «Տարվա գործարք» մրցանակին է արժանացել Financial Times Group-ի համաշխարհային առաջատար The Banker բիզնես ամսագրի կողմից:
The Banker-ը գրում է. «2017-2019թթ. Հայաստանի տնտեսությունը գրանցեց տարեկան 7% առողջ և կայուն տնտեսական աճ: Միևնույն ժամանակ, բանկային ոլորտը շարունակում է մնալ կայուն և լավ կապիտալացված տարածաշրջանային ստանդարտներով Հայաստանում համեմատաբար բանկային խիստ կարգավորման շնորհիվ: Երկիրը շարունակում է նաև լուծել էնդեմիկ կոռուպցիոն հիմնախնդիրները, որոնք նախկինում բացասաբար են անդրադարձել տնտեսական զարգացման վրա: «Թրանսփարենսի Ինթերնեշնլ»-ի համաշխարհային կոռուպցիայի դասակարգման վերջին աղյուսակում Հայաստանը զգալիորեն բարելավել է իր դիրքը՝ զբաղեցնելով 77-րդ տեղը 180 երկրների շարքում, ինչը զգալի է փոփոխություն է` իր նախորդ 105-րդ տեղի համեմատ:
Արդշինբանկը, լինելով Հայաստանի առաջատար բանկ, կարողացավ կապիտալացնել Հայաստանի տնտեսության և բանկային ոլորտի ամուր հիմքերը և հաջողությամբ վերականգնել իր եկամտաբերության կորը` 2020 թվականի հունվարին թողարկելով 300 միլիոն ԱՄՆ դոլարի ծավալով, 6,5%-ով 5-ամյա RegS/144 (A) ֆորմատներով առաջնային չապահովված եվրոպարտատոմսեր: Թողարկումը ստացավ Հայաստանի Հանրապետության վարկանշային մակարդակին հավասար Ba3 և B+ վարկանիշներ Moody's-ի և Fitch-ի կողմից` արտացոլելով Բանկի կանոնավոր դիրքերը, բարձր եկամտաբերությունն ու ակտիվների որակը: Եվրապարտատոմսերի նոր թողարկումը Արդշինբանկին թույլ տվեց գրեթե կիսով չափ կրճատել իր պարտավորությունների ծախսերը, իսկ 6,5% արժեկտրոնի եկամտաբերությունն ամենացածրն է, որ երբևէ գրանցել է Հայաստանը իր եվրոպարտատոմսերի շուկայի մասնավոր հատվածում:
Համաշխարհային ռոուդշոուի ժամանակ տեղի ունեցան հանդիպումներ Արդշինբանկի ղեկավարության և ներդրողների միջև Նյու Յորքում, Բոստոնում, Լոնդոնում, Ֆրանկֆուրտում և Ցյուրիխում: Արդյունքում եվրապարտատոմսերի պահանջարկը հասավ 500 միլիոն ԱՄՆ դոլարի թվով 70-ից ավել ներդրողներով:
2014 թվականից ի վեր սա Արդշինբանկի կողմից եվրապարտատոմսերի երրորդ թողարկումն է, սակայն սույն թողարկումն իր ծավալով ամենախոշորն է: Արդշինբանկը միակ հայկական բանկն է և միակ մասնավոր կառույցը Հայաստանում, որը պարտատոմսեր է թողարկել կապիտալի միջազգային շուկաներում:
«Երբ մենք առաջին անգամ մուտք գործեցինք կապիտալի միջազգային շուկա, մեզ հաջողվեց ոչ միայն ԱՄՆ դոլարով ֆինանսներ ներգրավել, այլև բարձրացնել Բանկի հեղինակությունը համաշխարհային ներդրողների շրջանում: Եվրոբոնդերի այս հաջող և մրցանակակիր թողարկումը վկայում է վերջին տարիներին ներդրողների հետ Արդշինբանկի շարունակական աշխատանքի և վերջիններիս ներգրավման մասին: Չնայած COVID-19 համաճարակի հետևանքով առաջացած ներկա դժվարին հանգամանքներին, որոնց բախվում է բիզնեսն ամբողջ աշխարհում, մենք վստահ ենք, որ կշարունակենք ցուցաբերել գործառնական և իրացվելիության ուժեղ դիրքեր, ինչը Բանկին թույլ կտա ֆինանսավորել նոր ծրագրեր», - ասաց Արդշինբանկի Վարչության նախագահ Արտակ Անանյանը:
The Banker ամսագրի «Տարվա գործարք» մրցանակը շնորհվում է կապիտալի համաշխարհային շուկայում առավել տպավորիչ ներդրումային բանկային գործարքների համար: The Banker-ը ուսումնասիրում է ֆինանսավորման հարյուրավոր գործարքներ` ընտրելով առավել հետաքրքիրներն ու համարձակները: Թողարկման հաջողությունը խոսում է Բանկի արդյունավետ ռազմավարական զարգացման, միջազգային ստանդարտներին համապատասխանելու և թափանցիկության մասին:
Քաղաքագետ. Թեհրանը ստեղծում է անվտանգության միջավայր, որտեղ Հորմուզի նեղուցում կայուն նավագնացությունը դժվար կլինի պատկերացնել առանց իր անմիջական մասնակցության
ԱԺ փոխնախագահի պաշտոնի թեկնածուն կարծում է, որ իր տիկնոջ աշխատավարձը "Հայփոստի" տնօրենի պաշտոնում ամենացածրն է տվյալ ընկերության պատմության մեջ
Ռուսաստանի մշտական ներկայացուցիչ. ՀԱՊԿ-ի և Հայաստանի միջև որևէ հակամարտություն չկա
Մոսկվա․ ՆԱՏՕ-ն ձգտում է Հայաստանը "պոկել" ՀԱՊԿ դաշնակիցներից 
Քաղաքագետ․ Ռուսաստանը հանրաքվեի միջոցով մտադիր է իմանալ, թե որ "ճամբարն" է ընտրելու Հայաստանը 
Հայ վերլուծաբան․ Զարգացնելով հարաբերությունները Եվրոպայի և ԱՄՆ-ի հետ՝ Հայաստանը չպետք է վտանգի տարածաշրջանային տերությունների հետ իր հարաբերությունները
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
