ԿԸՀ․ Վաղարշապատում ՏԻՄ ընտրություններին մասնակցությունը կազմել է 45,12 տոկոս, ըստ նախնական տվյալների՝ հաղթել է կառավարող ուժը  

Արմինֆո.  Կառավարող "Քաղաքացիական պայմանագիր" կուսակցությունը, ԿԸՀ նախնական տվյալների համաձայն, հաղթել է Վաղարշապատ համայնքի ՏԻՄ ընտրություններում ՝ ստանալով 15 298 ընտրողների ձայն: Այդ մասին են վկայում Կենտրոնական ընտրական հանձնաժողովի տվյալները։

ԿԸՀ-ում հիշեցրել են, որ բոլոր ընտրատեղամասերը փակվել են ժամը 20:00-ին: Քվեարկությանը մասնակցել է ընտրողների 45,12 տոկոսը կամ 31 527 մարդ: Վաղարշապատ համայնքում ընտրելու իրավունք ունի 69 866 քաղաքացի:

Այսպիսով, բոլոր 47 ընտրատեղամասերում ձայների հաշվարկի արդյունքում "Հաղթանակ" կուսակցությունը հավաքել է 10 051 ձայն, "Համահայկական ճակատ" կուսակցությունը ՝ 295 ձայն, "Հանրապետություն" կուսակցությունը ՝ 1241 ձայն, "Մայր Հայաստան" ազգային դեմոկրատական կուսակցությունը ՝ 1692 ձայն, "Ազատ դեմոկրատներ" կուսակցությունը ՝ 1177 ձայն, "Ժառանգություն" կուսակցությունը ՝ 440 ձայն, "Քաղաքացիական պայմանագիր" կուսակցությունը ՝ 15 298 ձայն, եւ "Հայրենիք" կուսակցությունը ՝ 1193 ձայն: Ընտրություններն անցել են բազմաթիվ խախտումներով։  Ընտրողներն ահազանգել են, որ իրենց բնակության վայրերի հասցեներում գրանցված են անձինք, որոնց մասին իրենք ոչինչ չգիտեն: Ավելին, դիտորդներն արձանագրել են ընտրատեղամասերի մոտ կուտակումներ, բաց քվեարկություն։ Ավանդույթի համաձայն ՝ օրվա վերջում մի շարք ընտրատեղամասերում լույսն անջատվել է։